創業不是成功學，而是失敗學

創業不是成功學，而是失敗學

創業唔係講勇氣，而係修練容忍失敗的能力。

有些新手會以為，創業係一件英雄式嘅事。我有位朋友阿星常常掛在口邊：「我唔理輸贏，我就係要試吓。一試，就代表勇敢，一唔試，就係懦夫。」

但我認識另一位朋友阿澤時，佢準備第三次開咖啡店。唔算光宗耀祖，但夠實在。我建議：「創業唔係證明你有幾夠膽，係睇你有幾肯試錯，幾唔怕轉彎。因為真正嘅創業人，唔係浪漫派，而係耐錯派。」

一杯不受歡迎的濃縮咖啡

阿澤第三次開咖啡店，開喺舊區，租金平，目標清晰：做精品濃縮，唔賣甜野，唔賣花俏，堅持歐陸風。我不斷叫佢唔好再心口得個勇字，應該先在IG試業，廉價地犯錯先。佢話：「香港人飲唔慣係因為未飲過好嘅。」結果兩個月內，熟客無幾個，街坊嫌酸，熊貓袋鼠都無人落單。朋友勸佢調整甜度，整返啲 Latte 或西多士應市。佢拒絕：「我係想教育市場。」三個月後，教育唔成市場，反而畀市場教訓，然後收皮。真話雖然唔啱聽，但我總算對得住朋友：「如果你做生意，純粹是想哄自己開心。咁你應該做消費者，而唔係供應商。」

第四次開舖前，我送咗一本《Lean Startup》給他，今次佢終於學精咗，開始采納我的建議，試用「MVP 策略（Minimum Viable Product）」：先租 Pop-up 檔，試三款咖啡，唔設坐位，每日記錄客人反應。發現最多人問：「有冇鮮奶、可唔可以少啲酸？」佢終於明白一件事：「理想唔係唔可以有，但你要知道你係咪做緊解決問題嘅生意，定係發洩自己審美嘅藝術項目。」

創業從來唔係浪漫，係一種修行

《Lean Startup》講出咗一個簡單大道理重。：對你MVP進行Build → Measure → Learn。呢件事實踐起嚟，一啲都唔浪漫。做 Build 就係要「打爛自己塊面」，攞最夠實驗性嘅產品試市場；做 Measurement 就係要面對真實數據，而唔係靠你朋友講「幾好呀幾好呀」；做 Learning 就係要捨得割捨自己唔啱嘅堅持，唔好輸咗都唔肯轉型。

阿澤話：「我做過最難嘅決定，就係放棄用我自己最愛嘅豆，因為街坊唔 buy。我試過硬拗，輸錢；試過試新豆、試奶蓋，結果生意反而好。」創業，從來唔係去證明你啱，而係去學你錯咗邊。

你都可以用 Lean Startup 心法試錯，唔好以為 Lean Startup 係矽谷專利，其實你生活中好多 project 都用得着：開補習班？ 先試幾堂 MVP 式免費工作坊，收 feedback。想轉行做手作？ 先做小批 IG或Etsy 網店，唔洗起樓就 可以test到 市場反應；搞興趣班／營養顧問？ 試下 landing page + 調查問卷，用 data 試水溫。

先拍拖，後結婚！ 其實也是一種 MVP 就係第一次見面嘅「coffee chat」，目標唔係拍拖，係試錯同瞭解價值觀。成日有人話：「失敗唔緊要，最緊要係從錯誤中學習。」但 Lean Startup 精神仲進一步：失敗要快、要細、要學得深。

你真係創業緊，定係扮緊「堅持」？

有時我哋會將「堅持理念」當成創業的浪漫感覺，但如果理念行唔通，唔再調整，咁就唔係堅持，而係盲撐。你未必需要勇氣去開始，因為開始只需要一時衝動。你真正需要嘅，是面對每次跌倒都唔縮、願意記錄失敗、調整路線，然後再試一次。

商業世界的起點可以一份熱血 ，但要將理想實現，就近乎冷熱了。成功從來唔係「我夠堅持」，而係「我夠肯試唔同方法直到搵到路」。

創業唔係勇氣比賽，而係一場失敗管理大賽。 你下一次想開新 project，不如問自己：MVP 係咩？（唔係完美品，而係最小學習模型）想驗證嘅假設係咩？點量度？邊個 feedback 值得信？何時要轉方向？幾時繼續行落去？最後，記住一個重點：行錯唔可怕，行錯又唔肯轉彎，先可怕。